(       maen nhw'n dod o'r capel i gyd dan ganu
 )      yn gafael yn eu ffyn
(  (o lyfryn y CD "Gedon" gan Bob Delyn a'r Ebillion).  Beth ydy "ffyn"?

Mwy nag un ffon (sticks).

(  A beth yn union ydy'r ystyr y linell gyntaf -- maen nhw i gyd yn dod, neu
 ) maen nhw'n dod o'r capelau i gyd?

Mae pawb, wrth ddod o'r capel, yn canu.  Mae `mynd dan ganu' yn golygu
`singing as (they/you) go', ac mae `i gyd dan wneud', neu `oll dan wneud'
yn perthyn efo'u gilydd -- `all doing (something)' -- ac yn ffurf safonol
sy'n dderbyniol mewn iaith lafar a iaith lenyddol.

(  O... un cwestiwn arall o'r albwm gwerin 'na ... mae 'na linell:
 )     mae'r we+rs yn buta'r wyrddis
(  "buta", dwi'n meddwl, ydi'r ffurf Bethesda am "bwyta", ac rydw i'n meddwl
 ) fod "we+r" yn dipyn o "hillbilly" (cywir?) ond beth ydy "wyrddis"?

Cais i sillafu ffurf lafar o `bwyta' yw `buta', ac am wn i ffurf lafar
sy'n gyffredin ar draws gogledd Cymru sydd yma (yn union fel y baswn i
yn sillafu geiriau fel `buaswn' fel `baswn').

Mae'n debyg gen i mai tafodiaith mwy lleol yw `we+r' -- ffurf unigol yn
tarddu o'r un gwraidd a `gwerin' -- a `wyrddis' o'r gair Saesneg `worthy'.
Mae `gwerin' yn un o'r geiriau hynny bydd pawb yn dweud na fewdrwch chi
mo'u cyfieithu allan o'u cyd-destun cymdeithasol, ond rhywbeth fel `common
people' yw'r ystyr.  Yn Saesneg, Saesneg Lloegr beth bynnag, mae `worthies'
yn golygu buddugion, pobl bwysig, a dyma'r `wyrddis' sy'n cael eu `buta'
gan y `we+r'.

Y tro nesaf, `sliwod spontus'.  Wir.  Wn i ddim ai tafodiaith Caernarfon
(iaith Cofi) mae `Bob Delyn' yn ei ddefnyddio, neu iaith Ceredigion (`the
city of Ffostrasol') neu rhyw ddryswch o'r ddau.                             g