[ a personal account regarding the usage of the
  different forms for saying numbers in Welsh   ]

} Sut fasech chi'r Cymry Cymraeg yn dweud 38, 57, neu 99, er enghraifft?
[Marta Weingartner, Weingart@ucs.indiana.edu]

38 - deunaw ar hugain, deugain namyn ddau
57 - dau ar bymtheg ar ddeugain
99 - cant namyn un

Wnes i ddysgu tipyn bach o Gymraeg fel myfyriwr israddedig yng
Ngholeg Y Brifysgol Caerdydd ym 1986/7.  Roeddwn i'n dilyn cwrs
cyfrifiadureg ond, yn y flwyddyn gynta, cymerais "Astudiaethau
Cymraeg" fel un (o'r tri) cwrs.

Roedden nhw'n dysgu'r ddau ffurf - e.e. "ugain" a "dau ddeg". Gan
yr oeddwn i ar safon llafar tipyn uwch na'r cwrs (wn i'n byw yn
yr asgell Cymraeg o'r neuaddau) roedd y pobl wn i'n byw hefo (o'r
Wyddrug, Pen-y-bont a Merthyr) yn dysgu llawer mwy i mi - roedden
nhw i gyd yn dweud "ugain" ayyb.

Roedd y Cymry Cymraeg ar y cyrsiau mathemategol am gael
tiwtoriaid Cymraeg.  Doedd dim llawer ohonom, felly roeddwn i, er
bod yn dysgwr, yn fodlon "gwneud i fyny'r rhifau" :)  Tua chwech
ohonom ni oedd yn cael ein dysgu gan y ddau athro (prof.) Cymraeg
yn yr Adran Mathemateg.  Cyflym oeddwn i'n dysgu termau
mathemategol y dyddiau hynny!  Mae'n debyg yr oedden ni'n
defnyddio'r ffurfiau newydd y rhan fwyaf o'r amser.

Ar raglenni teledu plant fel "Slot Meithrin" maen nhw'n dweud y
ddau ffurf lle mae'n bosib.  E.e. "Hylo plant, y deunawfed o Fis
Mai (Mis Mai un-deg-wyth) yw hi..."  *Ond* mae'r rhaglen ar gyfer
plant llai ifanc (Slot 23) yn cael ei alw "slot dau-ddeg-tri" gan
bawb yn o+l fy mhrofiad!

Gedge