>
>Llongyfarchiadau i John Savage, Cymro sy'n siarad Cymraeg a gafodd ei
>ethol yn brif weinidog newydd Nova Scotia, Canada. Rhywbeth sy'n profi
>unwaith eto mai Nofa Scosia yw'r dalaith fwyaf Celtaidd ymg Nghanada!
>Congrats to John Savage, a Welsh-speaking Welshman who has just been
>elected the new premier of Nova Scotia, which shows that this province
>still remains the most Celtic in Canada!
>
>Hwyl,
>Pawl.


Diddorol iawn.  Gryn amser yn o+l gwelais bwt o erthygl yn cyfeirio at
weinidog yn llywodraeth Awstralia o'r enw Gareth Evans, os cofiaf yn iawn.
Tybed a w+yr unrhyw un beth yw ei hanes ef?
   Mae gen i dudalennod (neu lyfrnod yn o+l un o'r geiriaduron, h.y.
'bookmark') wedi ei gael ers blynyddoedd gan gyfeilles o Ganada, ac arno
lun athletydd o un o bobloedd brodorol Canada a enillodd amryw o fedalau
Olympaidd ryw dro.  Rydw i wedi bod yn chwilfrydig ers blynyddoedd i
wybod sut y cafodd ei enw Cymreigaidd, Alwyn Morris.

[Is the (former?) Australian government minister, Gareth Evans, a
Welsh-speaker, and how did the Olympic medallist of indigenous Canadian
ancestry get to be called Alwyn Morris?]

                            Dewi.

O.N. Newydd glywed rw+an am Ysgrifennydd/Unben newydd Cymru.
Haws, mae'n amlwg cael Cymro'n bennaeth yn Nova Scotia nag yng
Ngwalia.  Pwy ar y ddaear yw'r dyn yma, a beth yw ei gysylltiad a+
Chymru - ei hen nain wedi bod ar drip ysgol sul i'r Rhyl yn 1837?
Clywais hefyd fod Dafydd Wigley wedi ei alw i drefn am feiddio a+
siarad Cymraeg yn y senedd wrth drafod y Mesur Iaith.  A oes gan
unrhyw un ohonoch ychwaneg o fanylion?